У Зэльвенскім раённым Цэнтры культуры і народнай творчасці адбылося выніковае пасяджэнне Савета сектара культуры Зэльвенскага райвыканкама, дзе не толькі прааналізавалі дзейнасць за 2025 год, але і вызначылі стратэгічныя задачы на 2026 год.
У зале сабраліся прадстаўнікі бібліятэчнай сістэмы, клубных устаноў і дзіцячай школы мастацтваў.
Урачыстым момантам пасяджэння стала цырымонія ўзнагароджання.
Лепшыя спецыялісты і кіраўнікі, якія праявілі высокае майстэрства і адданасць справе ў мінулым годзе, атрымалі заслужаныя ганаровыя граматы і падзякі.
