На пасяджэнне быў запрошаны жыхар аграгарадка Дзярэчын, майстар разьбы па дрэве Валерый Казіміравіч Фіцінскі. Прысутным была прапанавана невялікая выстава майстра, праведзены майстар-клас па разьбе па дрэве. Валерый Казіміравіч расказаў пра свой занятак, пра спецыфіку мастацкай разьбы па дрэве, пра падбор і падрыхтоўку інструментаў, адказаў на шматлікія пытанні прысутных. Усе былі задаволены творчай сустрэчай з майстрам і пажадалі яму творчых поспехаў у працы.
